【利市直擊】辛奇利酒店有辛奇利陪睇波?

作者:Cora 發表日期:2017-06-01 19:29:02

即上英超刨績王:http://win.on.cc/epl 

「足球高於生死」,係利物浦一代名帥辛奇利(Bill Shankly)教紅軍球迷銘記嘅名句,佢喺6、70年代領導紅軍雄霸英格蘭,更深愛球員同球迷愛戴,就算小記係喺辛奇利過世後先出世,作為利迷,仍然可以透過歷史深深感受到呢位傳奇領隊嘅魅力。利物浦市為咗紀念辛奇利,兩年前更加喺市內開設「辛奇利酒店(Shankly Hotel)」。

一入酒店大堂,已經見到為辛奇利特設嘅展覽區,展品雖然唔算多,但都好有意義,除咗牆上面印滿同佢有關嘅信件同電報,仲有佢加盟紅軍簽定嘅合約、同埋請辭嘅信件,象徵住「辛奇利時代」嘅起始同終結,仲有佢退休後仍然樂於玩桌上足球嘅照片。酒店餐廳內亦有唔少辛奇利嘅頭像裝飾,仲會舉行好特別嘅活動,由投射出嚟嘅「辛奇利」陪球迷睇波⋯⋯小記就唔係好肯定咁樣吸唔吸引喇。酒店一間房價錢每晚99鎊起(大約1005港元),喺市內唔算平,但客房都係豪裝,吸引唔球迷入住。

辛奇利當時畀咗紅軍球迷一個十分美好嘅時代,為利物浦之後嘅霸業奠下好好嘅基礎,睇完不禁感嘆,紅軍以至全英超,好少球隊會有穩定嘅主帥人選,就算有,球迷又未必鍾意。花無百日紅,紅軍曾經輝煌過,依家仍然喺度探索緊重建嘅方向。感覺上辛奇利唔止有領軍能力,更加充滿領袖魅力,小記由高普執教多蒙特開始,已經好喜歡呢位主帥,希望呢位一樣好有魅力嘅主帥,可以成為第二個辛奇利,幫利物浦重新成為穩定嘅爭標份子、甚至爭冠軍。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170520/bkn-20170520085847532-0520_00882_001.html




Tag:
本文鏈接:http://www.networkmanufacturer.com/9638.html