你要知:行山中暑急救法 一條毛巾係救星

作者:Beatrice 發表日期:2017-08-05 16:35:02

連日來天氣翳焗酷熱,日前天文台更在全港多區錄得攝氏37度的高溫。但港人愛行山,即使山上熱浪逼人,大家都想趁假日空閒,在山野間享受寧靜一刻。不過,過去的一個星期,接二連三出現行山中暑意外,更有人中暑昏迷,情況嚴重,中暑嚴重的話更可致命!大熱天時,如果真要上山,有甚麼必須注意?在山上如不幸出現中暑迹象,又應如何救人和自救?

香港聖約翰救護機構助理訓練經理鄭錦華指出,在酷暑之下行山,並非完全不可,但必須比平日有更充足的準備和計劃,時間、路線、地點,以至飲品都需加以留心,「譬如要避開朝早10點至晏晝4點、喺最曬嘅時間行山,揀一啲有樹蔭、冇咁高難度嘅路線嚟行,仲要注意中間有冇補給點,最重要係量力而為!」他建議行山人士帶備礦泉水或電解質飲品,但就絕不可帶濃茶、咖啡或酒精。

人在山上,面紅氣喘是平常事,如何得知自己已開始中暑?原來只要出現頭痛、頭暈、滿頭大汗且愈行愈慢,再加上體溫升高的徵狀,就要小心了!「一般嚟講,中暑嘅定義都係人體溫度高過攝氏40度,如果出現咁嘅情況,就要請患者休息一下先,唔好再行啦。」鄭表示,如同行友人中暑,整個團隊應一同留下陪同患者,將其移向陰涼地方,並提供遮蔭。

之後,便應為患者脫去外套等多餘衣物,在其腋下、頸下等淋巴位置放置冰墊,如有帶備大毛巾,可用水淋濕鋪住患者,再用風扇等吹住患者,務求令患者體溫降低。做好以上工作、靜候救護員到場的同時,要留意着患者呼吸、脈搏和體溫,如有出現異常,持急救證書者可為其施行心肺復甦法。一旦患者「打冷震」,便要停止一切降溫行為。

鄭又提醒,只可在中暑患者清醒時才可餵其飲水,否則可令患者窒息。如察覺到自己開始中暑,頭暈目眩的話應盡快在平地坐下或躺臥,以免失足或倒地受傷。「除咗以上種種,仲可以喺中暑前預防,唔係口渴先飲水,行山期間應該無時無刻補充水分同鹽分。」他呼籲各位山友,切記重視行山安全,以免樂極生悲。


本文來源:http://hk.on.cc/hk/bkn/cnt/news/20170805/bkn-20170805060020050-0805_00822_001.html




Tag:
本文鏈接:http://www.networkmanufacturer.com/21583.html